“Rusiya tərəfi Ermənistanla Azərbaycan arasında sərhədin delimitasiyası məsələsində tərəflərin mərhələli şəkildə addım atacaqlarına ümid edir”.
Bunu Rusiya xarici işlər nazirinin müavini Mixail Qaluzin yerli mətbuata müsahibəsində bildirib.
“Biz bu nöqteyi-nəzərdən çıxış edirik ki, bütün üçtərəfli razılaşmaların ən yüksək səviyyədə reallaşdırılması sülh müqaviləsi ilə bağlı məsələlərdə irəliləyişin əldə olunmasına öz töhfəsini verəcək. 10 noyabr 2020-ci il, 11 yanvar və 26 noyabr 2021-ci il və 31 oktyabr 2022-ci il tarixli bu razılaşmalar Azərbaycan-Ermənistan münasibətlərinin hərtərəfli normallaşması üçün “yol xəritəsi”ni formalaşdırıb”, - deyə Qaluzin bildirib.
O əlavə edib ki, əsasən, məsələnin mərhələli şəkildə həllinə ümid edirlər.
“Regionda nəqliyyat və iqtisadi əlaqələrin blokadadan çıxarılması, sərhədlərin delimitasiyası və humanitar problemlərin həlli kimi sahələrdə tədricən irəliləyişin əldə olunmasını gözləyirik”, - deyə Qaluzin bildirib.скачать dle 12.1