Ukrayna prezidenti Volodimir Zelenskinin aparat rəhbərinin müşaviri Aleksey Arestoviç ölkəsindəki vəziyyəti “Üzüklərin hökmdarı” ilə müqayisə edib və orada monarxiya qurulmasını təklif edib.
Bu barədə o, Telegram kanalında yazıb.
“Əgər biz "Üzüklərin hökmdarı"  ssenarisindəyiksə və hamı bunu başa düşürsə, mütləq kralın, yəni Aragornun qayıdışı olmalıdır. Ukrayna monarxiyaya hazırdırmı? Mən sizə deyim ki, əgər rasional düşünsəniz, Moskvada hər şeyi öldürməyin yeganə yolu burada monarxiya elan etməkdir”, - deyə siyasətçi öz mövqeyini bildirib.
Onun sözlərinə görə, Kiyevin “Rürikidlərin torpaqlarını” topladığını elan etmək olar. O , monarxiyanın dayanmadığı Böyük Britaniyanı nümunə kimi göstərib və onun “dünyanın ən pis ölkəsi olmadığını” qeyd edib.
Arestoviç həmçinin əlavə edib ki,  İspaniyada monarxiya Fransisko Frankonun hakimiyyətindən sonra bərpa olunub . Onun sözlərinə görə, Fransada monarxiyanın bərpası üçün “çox güclü hərəkat” var və  Belçikada kral cəmi 200 il əvvəl seçilib.
 
скачать dle 12.1