Ukrayna prezidenti Volodimir Zelenski “Qızıl Qlobus” mükafatlandırma mərasiminin tamaşaçılarına müraciət edərək, müttəfiqlərinə dəstəyə görə təşəkkür edib.
Bu barədə CNN məlumat yayıb.
“Qarşıda hələ döyüşlər və göz yaşları var. Amma indi deyə bilərəm ki, keçən ilin ən yaxşısı kim olub – siz azad Ukrayna xalqının dəstəyi ətrafında birləşmiş azad dünyadasınız”, - deyə Zelenski videomüraciətində bildirib.
Qeyd olunur ki, Ukrayna prezidentini tamaşaçılara əvvəllər Zelenski ilə Kiyevdə görüşən amerikalı aktyor Şon Penn təqdim edib.
Zelenski çıxışının sonunda “Ukraynada müharibə hələ bitməyib, amma dalğa dəyişir və kimin qalib gələcəyi artıq bəllidir” deyib.