Peru prezidenti Dina Boluarte 40-dan çox insanın ölümü ilə nəticələnən etirazlardan sonra paytaxtda və ölkənin iki cənub bölgəsində fövqəladə vəziyyəti 30 gün uzadıb.
Bu  barədə "Reuters" məlumat yayıb. 
Polisə xüsusi səlahiyyətlər verən və toplaşmaq hüququ da daxil olmaqla azadlıqları məhdudlaşdıran tədbirlər Limaya və çoxlu sayda yerli əhalinin yaşadığı Puno və Kuskonun cənub bölgələrinə şamil edilir. Etirazçılarla polis arasında şiddətli toqquşmaların baş verdiyi Punoda məhdudiyyətlərə 10 günlük komendant saatı daxildir.
Peruda bir aylıq fövqəladə vəziyyət ilk dəfə dekabrın ortalarında keçmiş prezident Pedro Kastilonun devrilməsinə qarşı etirazlardan az sonra elan edilmişdi.
Bundan əvvəl Peru prezidenti etirazçıların tələbi ilə istefa verməkdən imtina edib.
скачать dle 12.1