Türkiyə və Macarıstan alyansa qoşulmaq üçün ərizəni ratifikasiya edərsə, Finlandiya İsveç olmadan NATO-ya üzv olmağa hazırdır.
Bu barədə bazar ertəsi Finlandiyanın “İltalehti” qəzeti məlumat yayıb.
Nəşrin mənbəsinin məlumatına görə, ötən həftə bu məsələ Finlandiyanın aparıcı siyasətçiləri arasında müzakirə olunub.
“Biz faktları etiraf etməliyik: Biz Rusiyanın sərhəd qonşusuyuq. İsveçdəki geosiyasi vəziyyət bizimkindən tamamilə fərqlidir”, - qəzetin mənbəsi izah edib.
O, iddia edib ki, Finlandiya Milad bayramından əvvəl Türkiyə ilə razılaşmalı idi. “Türkiyənin Finlandiyanın NATO-ya üzvlüyü ilə bağlı heç bir problemi yoxdur”, - mənbə bəyan edib.
Qeyd edək ki, ötən həftə Finlandiyanın baş naziri Sanna Marin Stokholma səfəri zamanı Suominin İsveçlə birlikdə NATO-ya üzv olmaq niyyətində olduğunu təsdiqləyib. Eyni zamanda, həmin gün respublikada ictimai rəy sorğusunun nəticələri dərc olunub. Sorğuya görə, finlərin əksəriyyəti – 53%-i NATO-ya İsveçsiz daxil olmağa hazırdır.
Mənbə: TASSскачать dle 12.1