Keçmiş fransalı hücumçu, bir dünya çempionatında vurulan qolların sayına görə rekordçu Jyust Fonten martın 1-i səhər saatlarında 89 yaşında vəfat edib.
Xarici media xəbərinə görə, bütün futbolçu karyerası ərzində Fonten Mərakeşin “Kasablanka”sında, həmçinin Fransanın “Nitsa” və “Reyms” klublarında çıxış edib. Oyunçu kimi nailiyyətləri: Fransa çempionu (1956, 1958, 1960, 1962), Fransa kubokunun qalibi (1954, 1958), Fransa Superkubokunun qalibi (1958, 1960), Fransa çempionatının bombardiri (1958, 1960).
Jyust Fransa millisində 21 oyun keçirib və 30 qol vurmağı bacarıb. 1958-ci il dünya çempionatında Fonten 13 qolun müəllifi olub ki, bu da bir dünya çempionatında qol sayına görə hələ də rekorddur. O zaman Fransa yığması bürünc medal qazanıb.