Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Jozep Borrel və Avropa İttifaqının Qonşuluq və Genişlənmə üzrə Komissarı Oliver Varhelyi Türkiyədə prezident seçkisinin ikinci turu ilə bağlı birgə açıqlama verib.
Sənəddə mayın 14-də keçirilən prezident və parlament seçkilərində yüksək fəallığın olmasından məmnunluq ifadə edilib və bunun türk xalqının səsvermə yolu ilə demokratik hüququndan istifadə etmək iradəsinin bariz göstəricisi olduğu vurğulanıb.
“Aİ tərəflərin ədalətli və bərabər şəraitə malik olduğu şəffaf, əhatəli və etibarlı seçkilərə böyük əhəmiyyət verir”, - deyə birgə açıqlamada qeyd edilib.
Mənbə: Dw.com