Pomidor bir çox yeməklərə dad verən tərəvəzdir, yalnız yeməkləri dadlandırmaq üçün istifadə olunmur, o həm  də sağlamlıq baxımından olduqca faydalıdır. Müxtəlif maddələrlə zəngin olan pomidor orqanizm üçün vacib qidadır.
 
Pomidorun faydaları arasında ürəyə xeyirli olmasını, xərçəng riskini azaltmasını, göz sağlamlığına müsbət təsir etməsini, həzm sisteminə kömək etməsini, dəri sağlamlığını qorumasını və sümükləri gücləndirməsini sadalamaq olar. Gündəlik qidalanmada müntəzəm olaraq pomidor istehlakı sağlamlığınız üçün vacib addım ola bilər.
 
Pomidorun faydaları:
 
Antioksidant təsiri var: Pomidor güclü antioksidant olan likopenlə zəngindir. Likopenin mənbəyi isə pomidorlardır. Likopen xərçəng, ürək xəstəliyi və digər xroniki xəstəliklərin riskini azalda bilər.
 
Ürək sağlamlığı üçün faydalıdır: Pomidor ürək sağlamlığı üçün faydalı olan kalium, C vitamini və liflə zəngindir. Kalium qan təzyiqini tənzimləyir, C vitamini, lif isə xolesterol səviyyəsini tənzimləyiək ürək xəstəliyi riskini azaldır.
 
Xərçəng riskini azaldır: Tərkibində likopen olan pomidorların xüsusilə prostat, ağciyər və mədə xərçənginə qarşı qoruyucu təsiri olduğu bilinir. Likopen xərçəng hüceyrələrinin böyüməsinə maneə törədir və şişin meydana gəlməsinin qarşısını alır.
 
Göz sağlamlığına müsbət təsir edir: Pomidorda göz sağlamlığı üçün vacib olan A vitamini və lutein kimi birləşmələr var. A vitamini gecə korluğunun qarşısını alır, lutein isə yaşa bağlı makula degenerasiyası kimi göz xəstəliklərinin riskini azaldır.
 
Həzm sistemi üçün faydalıdır: Pomidor tərkibindəki lif sayəsində həzm sisteminin sağlamlığında böyük önəm daşıyır. Lif bağırsaq hərəkətlərini tənzimləyir, qəbizliyin qarşısını alır və həzm prosesini dəstəkləyir.
 
Dəri sağlamlığında təsirlidir: Pomidorun tərkibindəki C vitamini və likopen sayəsində dəri sağlamlığına müsbət təsir göstərir. Vitamin C kollagen istehsalını artırır, likopen isə dərini sərbəst radikallardan qoruyur və qocalma əlamətlərini azaldır.
 
Sümük sağlamlığına xeyirlidir: Pomidorda K vitamini və kalsium kimi minerallar var. K vitamini sümük sağlamlığını dəstəkləyir, kalsium isə sümükləri gücləndirir. Bu, osteoporoz riskini azaldır.