Gürcüstanın şərqində güclü yağış və dolu ilə müşayiət olunan əlverişsiz hava şəraiti Kaxetiyə böyük ziyan vurub.
Belə ki, dolu və leysan yağışları nəticəsində Gürcaani bələdiyyəsində iki çay məcrasından çıxıb, yollar və küçələri sel basıb, nəqliyyatın hərəkəti dayandırılıb.
Həmçinin yaşayış binaları və onlarla avtomobil suyun altında qalıb, infrastruktur dağılıb.
Dolu üzüm bağlarını da məhv edib, güclü külək nəticəsində elektrik xətləri sıradan çıxıb, bir neçə kənd işıqsız qalıb.
Yerli hökumət təbii fəlakətin nəticələrini aradan qaldırmaq üçün işlərə başlayıb.
Mənbə: “Sputnik” Gürcüstan