Farer adalarının Avropa yarışlarının qrup mərhələsində oynayan ilk komandası “Klaksvik” tarix yazır.
Çempionlar Liqasının (ÇL) III təsnifat mərhələsində “Klaksvik” Norveçin “Molde” klubu ilə qarşılaşıb.
Ev sahiblərinin 2:1 hesabı ilə qalib gəldikləri matçda "Klaksvik"in hücumçusu Arni Frederiksberq hər iki qolun müəllifi olub. "Klaksvik"də 88 oyuna 33 qol vuran, 60 məhsuldar ötürmə edən hücumçu, eyni zamanda ÇL-də bu mövsüm 6 qolun müəllifidir. O, həmçinin Qida şirkətinin icraçı direktor vəzifəsində çalışır.
Qeyd edək ki, oyunun baş hakimi azərbaycanlı FİFA referisi Əliyar Ağayev olub.