Rusiya xarici işlər naziri Sergey Lavrov Tehranda Cənubi Qafqaz üzrə “3+3” formatında xarici işlər orqanları rəhbərlərinin görüşü çərçivəsində İranın xarici işlər naziri Hüseyn Əmir Abdullahianla danışıb.
Bu barədə Rusiya Xarici İşlər Nazirliyi məlumat yayıb.
“Rusiya və İran xarici işlər nazirliklərinin rəhbərləri Sergey Lavrov və Hüseyn Əmir Abdullahian Cənubi Qafqaz üzrə “3+3” məsləhətçi regional platformasının nazirlər görüşü çərçivəsində danışıqlar aparıblar.
İclasda beş ölkənin: Rusiya, İran, Türkiyə, Ermənistan və Azərbaycanın xarici işlər nazirləri - Sergey Lavrov, Hüseyn Əmir Abdullahian, Hakan Fidan, Ararat Mirzoyan və Ceyhun Bayramov iştirak edir. Gürcüstan tərəfi görüşdə iştirakdan imtina edib.
Cənubi Qafqazda altıtərəfli əməkdaşlıq formatı təşəbbüsü 2020-ci ilin sonunda Azərbaycan və Türkiyə liderləri İlham Əliyev və Rəcəb Tayyib Ərdoğan tərəfindən irəli sürülüb və sonradan “3+3” kimi tanınıb. Rusiya və İran bu ideyanı alqışladılar və Ermənistan da bu formata qoşuldu. Gürcüstan bu təşəbbüsdə iştirak etməyi planlaşdırmadığını bəyan edib. 2021-ci il dekabrın 10-da Moskvada beş ölkənin xarici işlər nazirlərinin müavinləri səviyyəsində məsləhətçi regional platformanın ilk iclası keçirilib. Gürcüstan 2021-ci ildə keçirilən görüşdən və xarici işlər nazirləri səviyyəsində hazırkı görüşdən bitərəf qalıb.