İnterpol xətti ilə qırmızı büllitenlə axtarışda olan narkotik kartelinin lideri İstanbulda saxlanılıb.
APA xəbər verir ki, bu barədə Türkiyə Daxili İşlər Nazirliyi məlumat yayıb.
Məlumatda deyilir ki, Cənubi Amerikadan Avropaya narkotik daşıyan “KOMPANİO BELLO” adlı narkotik kartelinin lideri Dritan Rexhepi saxlanılıb.
Saxlanılan şəxsin Türkiyəyə Benjamin Omar Perez Garcia adına Kolumbiya pasportu ilə girdiyi deyilir. İtalya polisi və Türkiyə polisinin birgə əməliyyatı zamanı kartel lideri İstanbulun Beylikdüzündə saxlanılıb.