İsrail ordusu HAMAS-ın siyasi bürosunun rəhbərinin evini bombalayıb.

Bu barədə “The Times of İsrael” nəşri yazıb.

HAMAS-ın siyasi bürosunun rəhbəri İsmayıl Haniyənin Qəzzadakı evi dünən gecə İsrail qırıcıları tərəfindən bombalanıb.

İsrail Müdafiə Qüvvələrinin məlumatına əsasən, həmin ev terror infrastrukturu və digər məqsədlərlə yanaşı, həm də təşkilatın yüksək səviyyəli rəsmiləri üçün görüş yeri kimi istifadə olunub.

HAMAS bundan öncə İsrail ordusunun İsmayıl Haniyə və onun ailəsinə məxsus iki evi vurduğunu bəyan etsə də, İsrail ordusu ilk dəfədir belə bir məlumatı təsdiq edir.

Qeyd edək ki, İsmayıl Haniyə hazırda Qətərdə yaşayır.