Balakəndə ağır yol-nəqliyyat hadisəsi baş verib. 
Hadisə Balakən-Qabaqçöl avtomobil yolunun Talalar kəndi ərazisindən keçən hissəsində qeydə alınıb. Qaysa kənd sakini Ramazan Çopsiyevin idarə etdiyi “VAZ-2107” və Ramazan Qalayçiyevin idarə etdiyi “Daewo” markalı avtomobillər toqquşub.
Qəza nəticəsində hər iki sürücü, eləcə də “VAZ”-dakı sərnişin - 1996-cı il təvəllüdlü Seymur Qarakişiyev və “Daewo” markalı avtomobildə olan sərnişinlər – 1953-cü il təvəllüdlü Məmmədrəsul Çovxayev, 1976-cı il təvəllüdlü Bahar Cindarova xəsarət alıblar.
R.Qalayçiyev və M.Çovxayevin xəstəxanada stasionar qaydada müalicələri davam etdirilir, digər şəxslərə isə  ilkin tibbi yardım göstərilərək evə buraxılıblar.