Lənkəran-Boradigah yolunun Girdəni kəndindən keçən hissəsində ağır yol-nəqliyyat hadisəsi baş verib.
Daxili İşlər Nazirliyinin Mətbuat xidmətindən verilən məlumata görə, hərəkətdə olan 90-NE-547 dövlət qeydiyyat nişanlı “Mercedes” markalı avtomobilin sürücüsü idarəetməni itirərək avtonəqliyyat vasitəsini yol kənarındakı daş hasara, sonra ağaca çırparaq su kanalına aşıb.
Sürücü, Lənkəran rayonunun Girdəni kənd sakini, 1994-cü il təvəllüdlü Yunis Kərimov hadisə yerində ölüb. Maşında olan sərnişin, 1992-ci il təvəllüdlü Elşən Bəndizadə isə ağır bədən xəsarətləri alıb.
O, deformasiyaya uğramış avtomobildən çıxarılaraq qapalı kəllə-beyin travması diaqnozu ilə Lənkəran Rayon Mərkəzi Xəstəxanasına yerləşdirilib. Faktla bağlı araşdırma aparılır.скачать dle 12.1