Şabranın Zeyvə kəndində ov etmək istəyən gənc oğlan ehtiyatsızlıqdan özünə atəş açıb.

“Bakisesi.com” xeber verir ki “Qafqazinfo"nun Şimal bürosunun verdiyi məlumata görə, Şabran rayonu Zeyvə kənd sakini 2000-ci il təvəllüdlü Mahir Məmmədi oğlu Şıxəliyev ov edərkən, ehtiyatsızlıqdan özünün baş nahiyyəsinə atəş açıb.

Şabran Rayon Mərkəzi Xəstəxanasına yerləşdirilən M.Şıxəliyev bir müddətdən sonra orada ölüb.

Şabran Rayon Mərkəzi xəstəxanasından verilən məlumata görə, meyit Məhkəmə Tibbi Ekspertiza və Patoloji Anatomiya Birliyinin  Xaçmaz Şöbəsinin Morquna aparılıb.

Faktla bağlı Şabran Rayon Prokurorluğunda cinayət işi başlanıb, araşdırma aparılır.