Bakıda ölümlə nəticələnən yol qəzası olub.
Daxili İşlər Nazirliyi bildirir ki, qəza iyunun 17-də saat 2 radələrində Xəzər rayonunun Mərdəkan qəsəbəsində baş verib. Bakı şəhər sakinləri T.Məmmədovun idarə etdiyi “Volkswagen” və X.Xəlilovun idarə etdiyi “Renault” markalı avtomobillər toqquşduqdan sonra “Volkswagen” markalı avtomobil Abşeron rayon sakini Mehti Məmmədovun idarə etdiyi “Opel” markalı avtomobilə dəyib. Nəticədə M.Məmmədov aldığı xəsarətlərdən hadisə yerində ölüb, T.Məmmədov xəstəxanaya yerləşdirilib.
Faktla bağlı Xəzər rayon Polsi İdarəsində araşdırma aparılır.
скачать dle 12.1