Tovuz rayon ərazisində yol-nəqliyyat hadisəsi baş verib. 
Bu barədə Daxili İşlər Nazirliyinin mətbuat xidməti məlumat yayıb.  
Qeyd olunub ki, avqustun 7-də saat 9 radələrində Tovuz rayonunun Qaralar kəndi ərazisində Şəmkir rayon sakini E.Zeynalov idarə etdiyi “VAZ-21063” markalı avtomobili dərəyə aşırıb.
Nəticədə E.Zeynalovun sərnişini - nəvəsi Sinan Zeynalov aldığı xəsarətlərlə xəstəxanaya aparılarkən yolda ölüb, özü və digər sərnişini xəstəxanaya yerləşdirilib. 
Tovuz RPŞ tərəfindən araşdırma aparılır.