Göyçay rayonunda piyadanın ölümü ilə nəticələnən yol-nəqliyyat hadisəsi baş verib.
Rayon sakini Fərid Zəkəriyəyev idarə etdiyi “VAZ-2106” markalı avtomobillə rayonun Bığır-Hacalıkənd yolunda hərəkətdə olan zaman piyada, 1957-ci il təvəllüdlü Vasif Cəlilovu vurub. Xəstəxanaya yerləşdirilən V.Cəlilov orada dünyasını dəyişib.
Faktla bağlı Göyçay rayon Polis Şöbəsi tərəfindən cinayət işi başlanılıb, araşdırma aparılır.