Fransanın Avinyon şəhərində bir nəfər polis əməkdaşını bıçaqlamaq istəyib.
Bu haqda məlumatı Fransa KİV-ləri yayıb.
Mənbə bildirir ki, insident zamanı o, güllələnib. Hadisənin digər detalları haqda informasiya verilmir.
Qeyd edək ki, bir neçə saat əvvəl Nitsa şəhərində naməlum şəxs Notr-Dam kilsəsində bıçaqla insanlara hücum edib. Nəticədə 3 nəfər ölüb, bir neçə şəxs yaralanıb.
Reuters agentliyi hücum zamanı bir qadının başının kəsildiyini yazıb. Qatilin saxlanıldığı deyilir.
Şəhər meri Kristian Estrozinin dediyinə görə, cinayətkar “Allahu Əkbər” deyə qışqırıb: “Bu da terror aktının olduğunu göstərir”.