Abşeron rayonu Digah qəsəbəsi ərazisində 4 nəfər şəxsə kəsici alətlə xəsarət yetirməkdə təqsirləndirlən Sərxan Həşimov barəsində həbs qətimkan tədbiri seçilib.
Baş Prokurorluğun mətbuat xidməti xəbər verir ki, cinayət Məcəlləsinin müvafiq maddələri ilə cinayət işi başlanıb, Sərxan Həşimov şübhəli şəxs qismində tutulub.
Bu gün, xəsarət alan şəxslərdən daha biri - Hicran Həşimova müalicə aldığı xəstəxanada ölüb.
S. Həşimov Cinayət Məcəlləsinin 120.2.7 və 29, 120.2.7-ci maddələrilə (qəsdən iki şəxsi öldürmə və qəsdən 2 şəxsi öldürməyə cəhd etmə) təqsirləndirilən şəxs qismində cəlb olunaraq barəsində məhkəmənin qərarı ilə 4 ay müddətinə həbs qətimkan tədbiri seçilib.