"Real"ın prezidenti Florentino Peres İspaniya Superkubokunda "Atletiko" üzərində qələbədən sonra (5:3) PSJ-nin hücumçusu Kilian Mbappe ilə bağlı azarkeşlərin sualını cavablandırıb.
Xarici media bildirir ki, azarkeşlərdən biri deyib: "Zəhmət olmasa, bizə Kilian lazımdır". 
"Mən sizinlə razıyam", - Florentino cavabında bildirib. 
Yanvarın 1-də "Real"ın fransalı futbolçuya rəsmi təklif göndərdiyi və qərarın qəbulu üçün son tarix - yanvarın ortaları təyin edildiyi bildirilirdi.
Daha əvvəl bildirilmişdi ki, “Liverpul” Mbappeni razı salmağa çalışır, əsas diqqətini Premyer Liqanın İspaniya La Liqasından üstünlüyünə yönəldir.
Onun parislilərlə müqaviləsi mövsümün sonunda başa çatır, ona görə də futbolçu indi başqa klublarla danışıqlar aparmaqda sərbəstdir.