“Neftçi”nin yeni transferi, dünya ulduzu Keysuke Hondanın klubu ilə bağladığı müqavilənin detalları bəlli olub.
 34 yaşlı yarımmüdafiəçi may ayınadək bağladığı müqaviləyə (cəmi iki ay Azərbaycanda oynayacaq – S.M.) görə, “Neftçi”dən maaş almayacaq.
İtaliyanın “Milan” klubunun sabiq futbolçusu klub tərəfindən yalnız ev və minik avtomobili ilə təmin olunub. Futbolçunun məqsədi Azərbaycanda futbol oynayıb, forma yığmaq olduğundan, kluba maaşsız keçməyə razılıq verib.
Qeyd edək ki, Kamboca millisinin də baş məşqçisi olan Keysuke Honda “Neftçi”yə gəlməzdən əvvəl ötən ay Portuqaliyanın “Portimonensi” klubuna keçsə də, onu qeydiyyata almaq mümkün olmayıb deyə, həmin müqaviləyə xitam verilib.