İspaniyanın "Barselona" klubunun ulduz futbolçusu Lionel Messi 2021-ci ildə komandadan ayrılmaq qərarına gəlib. 
"COPE" nəşri xəbər verir ki, 33 yaşlı argentinalı hücumçu klubun idarəetmə sistemindən məyusdur və müqaviləsini yeniləmək niyyətində deyil. 
Messi yalnız Kataloniya təmsilçisinin rəhbərliyində dəyişikliklər olsa və komanda yenidən qurulacağı təqdirdə klubda qala bilər. 
Qeyd edək ki, "Barselona" UEFA Çempionlar Liqasının 1/4 finalında Almaniya "Bavariya"sına 1/8 hesabı ilə uduzub. Messinin klubla müqaviləsi 2021-ci ilin yayında başa çatır. (Report)