Fatih Terimin istefaya göndərilməsindən sonra "Qalatasaray"ın baş məşqçisi təyin olunan Domenek Torrent heyəti gücləndirmək üçün hərəkətə keçib.
Türkiyə mediası xəbər verir ki, ispaniyalı mütəxəssisin ilk hədəfi Ross Barklidir. "Çelsi"də əsas heyətə düşməkdə çətinlik çəkən 28 yaşlı yarımmüdafiəçinin icarəyə götürülməsi, sonradan isə transfer hüququnun alınması nəzərdə tutulur.
Barkli 2018-ci ildə "Çelsi"yə "Everton"dan 16.8 milyon avroya transfer olunub. Bu mövsüm 12 rəsmi matçda cəmi 428 dəqiqə oynayan ötən mövsüm icarə əsasında "Aston Villa"da çıxış edib.
Domenek Torrentin istədiyi digər futbolçu "Aston Villa"da çıxış edən Trezegedir. "Qalatasaray" bu futbolçunu "Kasımpaşa"da oynadığı dövrdə də istəmişdi. Amma 27 yaşlı misirli forvard 2018-ci ildə 10 milyon avro qarşılığında İngiltərə klubuna transfer olunmuşdu. Cari mövsüm "Aston Villa"nın heyətində cəmi 1 rəsmi oyuna çıxan Trezegenin klubu ilə 2023-cü ilədək müqaviləsi var.
Bu arada Domenek Torrent transferlər üçün uzun illər birlikdə çalışdığı "Mançester Siti"nin baş məşqçisi Pep Qvardioladan kömək istəyib. İspaniyalı mütəxəssislə danışan Torrent bəzi futbolçuların keçidində dəstək olmağı xahiş edib.