İngiltərənin "Mançester Yunayted" futbol klubunun portuqaliyalı hücumçusu Kriştiano Ronaldo ən azı mövsümün sonuna qədər klubda qalacaq.
Bu barədə mənbəyə istinadən "ESPN" nəşri məlumat yayıb.
Mənbənin sözlərinə görə, portuqaliyalı ona marağın az olduğu üçün yanvarda "Mançester Yunayted"i tərk etməyəcək.
37 yaşlı hücumçu 2021-ci ildən "Mançester Yunayted"də çıxış edir. Onun klubla müqaviləsi 2023-cü ilə qədərdir. Cari mövsümdə bütün turnirlərdə doqquz matçda portuqaliyalı bir qol vurub və bir məhsuldar ötürmə edib.