“Barselona” – “Mançester Yunayted” matçında Avropa Liqasında yeni tamaşaçı rekordu müəyyənləşdirib.
Xarici media xəbər verir ki, “Nou Camp” stadionunda keçirilən matçı 90 255 tamaşaçı izləyib. Bu oyun Avropa Liqasında əvvəlki tamaşaçı rekordunu təxminən 10.000 izləyici sayı ilə üstələyib.
Belə ki, 2017-ci il fevralın 23-də 1/16 final mərhələsinin “Tottenhem” – “Gent” matçının keçirildiyi “Uembli” stadionuna 80 465 nəfər gəlib.
Xatırladaq ki, dünən, fevralın 16-da “Barselona” və İngiltərənin “Mançester Yunayted” komandaları arasında Avropa Liqasının 1/16 final mərhələsinin ilk oyunu başa çatıb. Görüş 2:2 hesabı ilə başa çatıb. “Yunayted” və “Barselona” arasında cavab oyunu fevralın 23-də Mançesterdə keçiriləcək.