Hücumçu Lionel Messi "Barselona"ya qayıda bilər.
Xarici media bildirir ki, daha əvvəl PSJ-nin hücumçusunun atasının “Barselona”nın prezidenti Joan Laporta ilə danışıqlar apardığı, Leonun özünün isə komandanın baş məşqçisi Xavi ilə daim əlaqə saxladığı məlum olub.
Jurnalist Jerar Romeronun verdiyi məlumata görə, yarımmüdafiəçi Sergi Busquets və müdafiəçi Jordi Alba Messini “Barselona”ya qaytarmaq üçün əhəmiyyətli maaş azaldılmasına hazırdır.
Lionel 2000-ci ildə "Barselona" sisteminə daxil olub və 2021-ci ilə qədər klubda çıxış edib. Daha sonra maddi problemlərə görə kataloniyalılar onunla müqaviləni yeniləyə bilməyib və Leo azad agent kimi PSJ-yə keçib.
Onun parislilərlə hazırkı müqaviləsi 2023-cü ilin yayına kimi nəzərdə tutulub.
Bu mövsüm argentinalı PSJ-nin heyətində bütün turnirlərdə 27 oyunda 16 qol vurub və 14 məhsuldar ötürmə edib. 35 yaşlı forvardın tam statistikası ilə burada tanış olmaq olar.