İngiltərənin “Mançester Siti” klubunun futbolçusu Erlinq Holand yeni rekorda imza atıb.
“Report” xəbər verir ki, 22 yaşlı hücumçu buna evdə Almaniya “Bavariya”sına 3:0 hesabı ilə qalib gəldikləri UEFA Çempionlar Liqasının 1/4 final mərhələsinin ilk oyununda fərqlənməklə nail olub.
“Şəhərlilər”in heyətində 45 qola imza atan norveçli forvard İngiltərə Premyer Liqasının oyunçuları arasında bir mövsümdə rəqib qapılarına ən çox yol tapan futbolçu adına sahib çıxıb.
Holand 2002/2003 mövsümündə 44 qol vuran Rud Van Nistelroyu (53 oyuna) və 2017/2018 mövsümündə eyni sayda fərqlənən Məhəmməd Salahı (52 oyuna) geridə qoyub.
Qeyd edək ki, Erlinq Holand 11 qolla Çempionlar Liqasının bombardiridir.скачать dle 12.1