“Turan Tovuz” Azərbaycan Premyer Liqasında ilk böyükhesablı qələbəsini qazanıb.
Peşəkar Futbol Liqasının yaydığı məlumata görə, debütantın ilk uğuru XXXIII tura təsadüf edib.
Ayxan Abbasovun yetirmələri “Neftçi”ni 4:0 hesabı ilə məğlubiyyətə uğradıblar. Tovuz klubu həm də ilk dəfə bir matçda 4 qol vurub.
Bu görüşdə 3 qola imza atan Runi Eva da tarixə düşüb. O, “Turan Tovuz”un tarixində Premyer Liqada ilk het-trikin müəllifi olub.
Runi həm də Azərbaycan çempionatları tarixində bir oyunda 3 qol vuran ilk kamerunludur. O, Afrika qitəsindən olan legionerlərin 8-ci het-trikinə imza atıb. Runiyə qədər 6 afrikalı 7 matçda hərəyə üç qol vurub. Əhməd Ticani iki, digərləri bir het-trikə seviniblər.
Qeyd edək ki, cari mövsümdə ikinci dəfə bir futbolçu matçda 3 qol vurub. Runiyə qədər buna Emin Mahmudov nail olub. “Neftçi”nin üzvü “Səbail”lə XV turun qarşılaşmasında het-trik edib.скачать dle 12.1