Argentinalı hücumçu Lionel Messi Səudiyyə Ərəbistanı klubuna keçməyə yaxındır.
Bundan əvvəl 35 yaşlı futbolçu PSJ-dən ayrılacağını açıqlamışdı.
Jurnalist Matteo Morettonun sosial şəbəkədəki səhifəsində verdiyi məlumata görə, Səudiyyə Ərəbistanından nümayəndə heyəti Parisə gəlib. Tərəflər müqavilənin imzalanmasını başa çatdırmalıdırlar. Messi "Əl-Hilal"a keçməlidir.
Mediada Lionelin "Barselona" və ya MLS klubu "İnter Mayami" ilə müqavilə bağlaya biləcəyi barədə məlumatlar yayılıb.
Lionel ötən mövsüm 41 oyun keçirib, 21 qol vurub və 20 məhsuldar ötürmə edib.