Kalidu Kulibali "Çelsi"dən Səudiyyə Ərəbistanının "Əl-Hilal" klubuna keçib.
Xarici media bildirir ki, jurnalist Fabrisio Romanonun sözlərinə görə, “Əl-Hilal” müdafiəçinin transferi ilə bağlı "Çelsi" ilə şifahi razılığa gəlib, həmçinin onunla şəxsi müqavilənin şərtlərini də razılaşdırıb. Müqavilə 3 il müddətinə olacaq.
Müqavilə bağlanıb, sənədlər tezliklə imzalanacaq. Kulibalinin ildə 30 milyon avro maaş alacağı bildirilir.
“Əl Hilal” bundan əvvəl "Vulverhempton"un yarımmüdafiəçisi Ruben Neveşi 47 milyon funt-sterlinqə transfer edib.
Kulibali “Çelsi”dən Səudiyyə Ərəbistanına gedən dördüncü oyunçudur. Daha əvvəl Nqolo Kante "Əl İttihad"a keçib, "Əl Nəsr" və "Əl Əhli" isə müvafiq olaraq Hakim Ziyeş və Eduard Mendinin transferi ilə bağlı razılığa gəliblər.
Kulibali keçən yay "Çelsi"yə keçib, "Napoli"dən 38+2 milyon avroya alınıb. Seneqallı ötən mövsüm klubun heyətində bütün turnirlərdə 32 oyuna çıxıb, 2 qol vurub və 1 məhsuldar ötürmə edib.