“İndi biz mövqeliyik. Mövqeli olub qərəzsiz olmaq mümkün deyil. Qərəz sözü bütün hallarda qaba ifadədir. Mən bu sözdən qaçıram. Biz indi tərəfliyik”.

BAKİSESİ.COM xəbər verir ki, bunu Real TV-nin rəhbəri Mirşahin Ağayev Əvəz Zeynallının “Qaynar Qazan” layihəsinə müsahibəsində deyib.

M. Ağayev indi dövlətin tərəfində olduğunu qeyd edib: “Bu ifadə bəlkə də çoxlarında qıcıq doğuracaq. Amma mən bunu belə başa düşürəm və bu tək mənim düşüncəm deyil. Azərbaycanda belə düşünənələrin sayı yəqin ki, lap çoxdur. Mən Azərbaycan dövləti və Azərbaycan prezidenti deyəndə onları bir-birindən ayırmıram. Mənim üçün dövlət prezident, prezident də dövlətdir. Yəni dövlət İlham Əliyevdir...”.

M. Ağayev qeyd edib ki, o 25 il vətəndaş mövqeyini jurnalistika prinsiplərinə qurban verib: “Amma məhz 2016-cı ildən sonra baş verənlər göstərdi ki, Azərbaycanda heç kim tərəfsiz olmamalıdır.

Bu il 30 il tamam olacaq ki, jurnalistika ilə məşğul oluram. Hesab edirəm ki, bu gün Azərbaycanda yaçayan adamlar, məni tanıyanlar Mirşahinin hansı yuvanın quşu olduğunu bilməlidirlər. Ona görə yox ki, şahin quşdur, filan... Sadəcə olaraq arxamca gələn adamlar bilməlidirlər ki, onları hara aparıram.

Mən o adamlarla heç vaxt razılaşmayacağam ki, 11 ay hakimiyyəti əlində saxlaya bilməyiblər və 26 ay əlində saxlayanlardan tələb edirlər ki, “sən get mən gəlim”. Mən onları heç vaxt qəbul etməyəcəyəm”.

скачать dle 12.1