Masallının keçmiş, Ağcabədinin indiki icra başçısı Rafil Hüseynov  onun  əməlləri  barədə  gundelik-baku.com  saytının yazdıqlarına internet tv-lərinin birində cavab verib. Və yazdıqlarımızı şər-böhtan adlandırıb. 
Cənab Rafil Hüseynov !
Yazmışıq ki,  sənin polis zabiti olan oğlun Şəhriyar Hüseynzadəni əməllərinə görə polisdən qovublar. 
Bunun nəyi şər-böhtandır, cənab başçı ?
Sənin oğlunu biz işdən qovmamışıq ee, cənab nazir qovub. 
Sənin oğlunun rüsvayçı şəkillərini biz paylaşmamışıq, cənab Rafil Hüseynov. Bardan, gecə klublarından olan şəkilləri sənin oğlunun özü paylaşıb. Başa düşdün ? 
Bu şəkillər məgər şər-böhtandır ? 
Cənab Rafil Hüseynov ! 
Sənin Ağcabədi sakini olan şəhidin statusunu ləğv etdirmək üçün utanıb-qızarmadan dövlət qurumlarına müraciət etməyini bütün ölkə bilir. Bunu yazmağımız şər-böhtandlr ?   
Şər-böhtan bilirsən nədir ? 
Canını vətən uğrunda qurban verən şəxsi ləkələmək, ən ağır şər-böhtandır.
Bunu biz yox, sən etmisən. 
Sahibkar qadından rüşvət istəyən biz deyilik, cənab başçı. Aç medianı oxu, yazırlar ki, sahibkar qadından rüşvət istəmisən, o da verməyib. Sonra onu döydürmüsən. Bu şər-böhtandır ? 
Sənin oğlunun vətəndaşı şalvarsız sürüməsini yazmışıq. Bu şər-böhtandır ? 
Deyirsən, gundelik-baku.com  şər-böhtan yazır. 
Masallı rayonundakı ticarət obyektlərindən, Ağcabədidə fermalarından yazmaq  şər böhtandır ? 
Cənab Hüseynov ! 
Novxanıdakı dəyəri milyon olan  villanı hansı pulla tikdirmisən ? Bunu yazmaq şər-böhtandır ?
Villadakı təkcə hovuzların, ağacların qiyməti sənin  1 illik maaşından çoxdur.
Bunu yazmaq böhtandır ? 
Cənab başçı ! 
Növbəti dəfə Novxanıdakı villanın qarşısından canlı reportaj hazırlayıb paylaşacağıq. Yəqin baxanda deyəcəksən, şər-böhtandır. 
Cənab Rafil Hüseynov !
 Bizim səninlə şəxsi planda davamız yoxdur. Bizim davamız sənin əməllərinlədir. 
Bu gün neçə-neçə icra başçısı  həbsxanada cavab verir. Onlardan yazmaq şər-böhtan idi ? 
Yeri gəlmişəkən, Rafil Hüseynov, dostun, Şəmkirin icra başçısı Alimpaşa Məmmədovu da apardılar. Sağ əli sənin başına...