Köçərli pulları hara KÖÇÜRÜR…?
Azərbaycan Respublikasında su təchizatı sahəsində dövlət siyasətini və strategiyasını həyata keçirən, mərkəzləşdirilmiş qaydada istehlakçıları içməli su ilə təchiz edən və onlara kanalizasiya xidmətləri göstərən dövlət şirkəti “Azərsu” Açıq Səhmdar Cəmiyyətinin bütün səhmləri dövlətə məxsusdur.
Yəni “Azərsu” səhmləri kimlərinsə əlində olan şirkət deyil.
“Azərsu” ASC ölkə üzrə 1 milyon 629 min 845 abunəçiyə su təchizatı və kanalizasiya xidməti göstərir.
Bunların 1 milyon 567 min 26-sı əhali, 62 min 819-u isə qeyri-əhali abunəçiləridir.
Cəmiyyətin balansında 20000 km uzunluğunda su, 5000 km uzunluğunda kanalizasiya və yağış suları xətləri vardır.
01 aprel 2021-сi il tarixə "Azərsu" ASC üzrə işçi sayı 13 min 600 nəfərdir.
Məlumat üçün qeyd edək ki, qurumun əvvəlki rəhbəri Oqtay Əsədov 2005-ci ildə Milli Məclisə sədr seçiləndə onu Nizaməddin Rzayev əvəz etdi və 2011-ci ilədək bu vəzifədə oldu.
Həmin ildən 2021-ci ilədək isə “Azərsu”nun rəhbəri hörmətli Qorxmaz Hüseynov olub.
Hazırda “Azərsu”nun rəsmi saytı olan azersu.az-da sədr olaraq Köçərli Həsənov və müavin olaraq da Köçərli Həsənov göstərilir.
Onu qeyd edək ki, sədrlərin dəyişməsinə baxmayaraq qurumda həmişə “maliyyə məsələləri” Köçərli Həsənovun nəzarətində olub. Yəni turbaların qiymətindən, alınmasından, satılmasından tutmuş çox şeyə Köçərli müəllim baxıb.
Obyektlərə “levi” suların çəkilməsi, sərf olunan suyun dəyərindən 10 dəfə az qurumun hesabına, qalanın isə Köçərli müəllimim hesabına keçməsi cənab müavinin diqqət mərkəzində olub.
Bir sözlə, qurumun ürəyi-“finans”ı Köçərli Həsənovun cibində olub.
Hələ bunlar harasıdır. Deməli, ABŞ-da yaşayan FETÖ-nün ( Fətullah Gülənin ) Bakıdakı dostlarının gizli toplantısı Köçərli Həsənovun bağında keçirilirmiş.
İndi Köçəri Həsənov özünü elə aparır ki, elə bil 3-də alacağı, 5-də verəcəyi yoxdur.
Buna deyən yoxdur ki, bütün sədrlərin dövründə pullar sənin əlindən gəlib keçib, yağlı yerindən sən yemisən. İndi niyə yaxanı qırağa çəkirsən ?
Köçərli Həsənova bir tövsiyyəmiz odur ki, “Ərikli”də baş verənləri unutma ha. İt boğuşdurmağın da bir qaydası var.
Sözümüzün canı odur ki, “ Əkəndə yox, biçəndə yox, yeyəndə ortaq qardaş olma “. /Gundelik-baku.com/