Prezident  İlham Əliyev cənabları bir neçə il əvvəl Ali Məhkəmənin  yeni, müasir binasının açılışında  dedi ki, bu bina ƏDALƏT SARAYI  omalıdır. 
Əlbəttə, söhbət təkcə Ali Məhkəmədən getmir, bütün məhkəmə instansiyaları, o cümlədən Bakı İnzibati Məhkəməsi də  işlərə ədalətli baxmalı, hər qərar  sivil qaydada olmalı, bütün hüquqi prosedurlar gözlənilmləidir. 
Bəli, heç kimə sirr  deyil ki, Avropa Şurasının üzvü olduğumuz üçün Avropa Məhkəməsinin qərarları ilə hesablaşmalıyıq. 
Son 10-15 ildə  Avropa Məhkəməsindən ölkəmizə ünvanlanan  qərarların çoxu prosedur qaydalarının pozulması ilə bağlıdır. 
Bəli, MƏHZ  PROSEDUR  QAYDALARI...
İndi görək, Bakı İnzibati Məhkəməsi heç olmasa, elementar prosedur  qaydalarına riayət edirmi ? 
Belə bir mənzərəni gözünüz önünə gətirin. 
Necə ki, avtobuslarda basabas olur, eləcə də Bakı İnzibati Məhkəməsinin məhkəmə zalında elə olur. 
Bir zalda xeyli sayda şikayətçinin işinə baxmaq üçün bütün şikayətçilər “avtobus sərnişinləri”  kimi zala doldurulur. 
Təsəvvür edirsiniz, ağız deyəni qulaq eşitmir, hakimlər, vəkillər  bir-birinə qarışır. Obrazlı desək, kimin əli kimin cibindən çıxır bilinmir. 
Görəsən, belə basabasda hakimlər necə ədalətli qərar qəbul edə bilər ? 
Ona görə də Bakı İnzibati  Məhkəməsinin sədri  cənab  Araz Hüseynova  deyirik ki, yığışdırın, bu basabası, axı siz avtobus sürücüsü deyilsiniz, cənab sədr.../Gundelik-baku.com/