Bəzi generallarımızın mal-qara ferması, restoranları, villaları, ticarət obyektləri, yüz hektarlarla torpaq sahələri və s barəsində zaman-zaman dövrü mətbuatda oxumuşdum. Sözün düzü, insanlarımız da belə informasiyalara artıq alışıb, adamları belə xəbərlərlə təəccübləndirmək olmur. Amma…
Əmması odur ki, bu yaxınlarda ciddi bir informasiya mənbəyinin dediyinə görə, artıq generallarımızın özəl qəbristanlıqları da peyda olub.
Bəli, təəccüblənməyin, ÖZƏL QƏBRİSTANLIQ…
Mənbənin dediyinə görə, Bakının əzəmətli və həşəmətli yerlərindən birində general Nəcməddin Sadıkovun, Nizam Osmanovun və digər generalların özəl qəbristanlıqları var.
Mənbəmiz heyrətlə deyirdi ki, generalların hərəsi 3-4 hektar ərazini zəbt edib hasara alıblar, ətraf gül-çiçək, bahalı ağaclar, su çəkiblər, mərmər, qranit hasarlar…
Mənbəmiz deyir ki, təsəvvür edirsiniz, HAZIR QƏBRLƏR var, tam hazır vəziyyətdə, yəni generalların kimisə ölsə, dəfn etməyə hazırdır…
Mənbəmiz deyir ki, bunlar o dərəcədə ağıllarını itirib ki, diri adamın qəbrinin üstünə gətirib bahalı gülllər qoyurlar…
Bəli, dövlətin və xalqın milyonlarını mənimsəmiş harın və quduz bəzi məmur generallardan bundan artıq nəsə gözləməyə dəyməz…
Təsəvvür edirsiniz, Qarabağda şəhid olan əsgərin xatirəsinə bir bulaq tikmək üçün valideynləri aylarla icra başçısının qəbuluna düşə bilmir, düşəndə də təhqir olunub çıxırlar…
Erməniyə bir güllə atmayan Nəcməddin Sadıkov, Nizam Osmanov kimi generallar isə az qala öz pişiklərinə də mərmərdən abidə qoyurlar.
Bütün bunlar azmış kimi, bu generallar hətta özlərinə ayrıca ŞƏHƏRCİK də salırlar.
Bəli, Səbail rayonunun Badamdar qəsəbəsində generallar özləri üçün ayrıca şəhərcik salıblar və öz aralarında buranı “Generallar şəhərciyi” adlandırırlar..
Əvvəllər MİLYONERLƏR MƏHƏLLƏSİ var idi, indi də Allah qoymasa, GENERALLAR ŞƏHƏRCİYİ…
Bəli, bu şəhərcikdə Azərbaycan Respublikası Silahlı Qüvvələrinin keçmiş Baş Qərargah rəisi, general-polkovnik Nəcməddin Sadıkovun 50 milyon dəyəri olan möhtəşəm villası var.
Bu azmış kimi, cənab Sadıkovun bacısı oğlunun eyni məkanda 10 milyonluq villası ucalır.
Təsəvvür edirsiniz, generallar hərb elmini tədris edərlər, hərb elmi ilə bağlı kitablar yazarlar, ölkənin hərbi təhlükəsizliyi ilə bağlı düşünərlər…
Bizim generalalr isə maklerlik edir, keçmiş hərbi hissələrin ərazisini özəllşdirib satırlar.
Bəli bizim generallar Artilleriya hərbi hissəsinin ərazisini özəlləşdirib sataraq milyonlar qazanıb.
Bu qanunsuz özəlləşdirməni, Nəcməddin Sadıqovla İmranlarla birgə həyata keçirib.
Bu “Generallar şəhərciyin”də keçmiş gizir, indiki general Qədir Nəsibovun da 15 milyon dəyəri olan mülkü var. Şahidlərin dediyinə görə, Qədir Nəsibovun evində 2 tonluq soyuducu var.
Görəsən, Qədir Nəsibov 2 tonluq soyuducunu neyləyir?
Zarafatla deyirlər ki, Qədir QİYAMƏT gününə hazırlaşır. Əslində Qədir karantindən qorxub 2 tonluq soyuducuları ərzaqla doldurub ki, çölə-bayıra çıxmasın.
Ona görə də Qədir Nəsibov əsgərlərin təchizatı üçün nəzərdə tutulmuş soyuducuları aparıb evlərinə qoydurub. Ki, birdən koronavirus qapını kəsdirsə, evdən bayıra çıxmasınlar.
Məlumat üçün qeyd edək ki, Qədir Nəsibovun oğlu “Türk Azərbaycan” şirkəti yaradaraq 100 milyonluq tenderi udub.
Təsəvvür edirsiniz, Müdafiə Nazirliyinin yüksəkçinli məmurlarından birinin oğlu “atasının nazirliyində” tenderi udur. Özü də 100 milyonluq. Bu birbaşa cinayətdir.
Görək, Qədir Nəsibov kimdir ?
Qədir Nəsibov Nəcməddin Sadıkovun sürücüsü Əlinin qudasıdır.
Qədir Nəsibov MN-də ən çox korrupsiyaya bulaşmış zabitdir.
Hazırda Qədir Nəsibovun Daşkəsən rayonunun Xoşbulaq kəndində milyonlarla dəyəri olan evi, Gəncə ətrafında mal-qoyun fermaları və daha nələri...
Hətta, deyilənə görə, Qədir Nəsibovun diplomu da saxtadır.
Qədir Nəsibovun Bakı şəhərində xeyli yerdə mənzilləri var.
Ən dəhşətlisi odur ki, Qədir Nəsibov əslində peşəkar hərbçidən daha çox, kabab çəkəndir.
Bəli, Qədir Nəsibov hər axşam Nəciməddin Sadıkovun evində kabab çəkir, özü də general formasında...
Hətta deyilənə görə, Qədir Nəsibov gecələr Nəcməddin Sadıkovun sifarişi ilə Nizam Osmanov barəsində düşünür.
Nizam Osmanov barəsində bir az sonra...
Şəhərciyin digər sakini olan general Elçin Xəlilov nazirlikdə Kadrlar idarəsinin rəisidir və Nəciməddin Sadıkovun bacısı oğlunun kirvəsidir.
Elçin Sadıqovun qardaşını isə bizim bildiyimiz bir problemə görə, ordudan qovublar, indi Sərhəd qoşunlarında işə düzəlib. Onun da şəhərcikdə 10 milyonluq villası var. General Nizami Məmmədov isə MN-də Maliyyə idarəsinin rəisidir, onun da Badamdarda 10 milyonluq villası var.
Nizami Məmmədovun adı həmişə başqa bir məsələdə hallanıb, barəsində əvvəlki xidməti etdiyi yerdə bir neçə dəfə cinayət işi açılıb.
Nazim Məmmədov da Nəcməddin Sadıkovun sədaqətli kadrı olub.
Digər general Rasim Babayev isə Nəcməddin Sadıkovun sağ əlidir, həmişə MAXE-lərin işə götürülməsinə görə adı hallanıb.
General-leytenant Zahid Hüseynovun isə bir həyətdə 2 villası var, adına “Kuryatnik Zahid” deyirlər.
Vaxtilə, yəni polkovnik olanda Badamdarda Nəcməddin Sadıkovun toyuqlarına baxırdı.
Generalların torpaq zəbt etməsi təkcə bununla bitmir.
Daxil olan məlumata görə, Şüşəli bazarın yanındakı hərbi hissənin 2 hektarını Zakir Həsənovla Nəcməddin Sadıkov götürüb.
Qədir Sadıqovun xoşagəlməz hərəkətləri barədə nöbvəti sayımızda yazılar dərc edəcəyik.
Haqqında bəhs etdiyimiz bu generallar bir məclisdə olanda Zakir Həsənovun bilik və bacarığına, hərbi səriştəsinə lağ edib gülürlər. Lazım gələrsə, bütün faktları təqdim edərik.
Bu genarallar ( Qədir Nəsibovla Elçin Xəlilov ) bütün məclislərdə deyirlər ki, bizim villalarımızı sökmək üçün birinci Zakir müəllimdən başlamaq lazımdır. Hətta Qədir Nəsibov deyib ki, Zakirin villası 2 hektar ərazini əhatə edir, bizimki ona baxanda çox balacadır. Sözün düzü, çəkiliş qrupumuz Zakir Həsənovun villasını tapa bilmədi.
Həm də Zakir Həsənov o qədər ağılsız adam deyil ki, Qədir Nəsibov kimi bir “gizir-genaral”la qonşu olsun. Düzdür, general olmaq istəməyən əsgər deyil. Amma belələrinin general olması qəbulolunmazdır.
Ən böyük rüsvayçılıq isə Nəcməddin Sadıqovun villasında gizir-genaralın öz köhnə peşəsiilə məşğul olması, kabab bişirməsidir...
Yazının əvvəlində qeyd etdiyimiz Nizam Osmanova gəlində isə, onu qeyd edək ki, o, Müdafiə Nazirliyinin Maddi-Texniki Təminat Baş İdarəsinin rəisidir.
Nizam Osmanov barəsində ötən yazımızda geniş bəhs etdiyimiz üçün onu qeyd edə bilərik ki, onun 3-cü mikrorayon bazarının yaxınlığında özəl kafesi var.
Bura əslində kafedən daha çox konfidensial görüş yeridir, həm də…əxlaqsız əməllər yeri. Qonşuluqda olanlar deyir ki, gecələr Nizamın obyektindən elə səslər gəlir ki…Görəsən hüquq-mühafizə orqanları bunu görmür?
Görmürlər ki, Nizamın kafesi əslində yüngül əxlaqlı qadınların görüş yeridir.
Kafedə Əfəndiyev, Osmanov, Tural, Elmar, Nüsrəddin hamısı hər axşam bir yerə yığışaraq yığılan pulları bölüşdürürlər.
Tural və Nüsrəddin isə əslən Qubadan olan və orada böyük villası olan Nizamov Elmarın pul yığanlarıdır.
P.S Yazida adları çəkilən hər bir şəxsin mövqeyini dərc etməyə hazırıq. /Gundelik-baku.com/