Fuad İbrahimovun atası, “Təzə Bazar”ın sahibi Məmmədağa bazarı 15 milyona Qod Nisanova satıb....
Son bir neçə ildə Abşeron rayonu ilə bağlı ŞOK xəbərlər oxuyuruq...
Rayonun BAŞ MEMARI həbs edildi...
Abşeronda “Kommunxoz”un rəisi qandallandı...
İcra başçısı İradənin bacısı oğlu qəfəsə salındı...
Bu nə rayondur, nə rüsvayçılıqdır, buranın bir rəhbəri-zadı yoxdur..?
İki gündür ölkə mediası, sosial şəbəkələr, yutub kanalı və s dayanmadan yazır:
Baş Prokuror yanında Korrupsiyaya qarşı Mübarizə Baş İdarəsinin əməkdaşları Daşınmaz Əmlakın Dövlət Reyestri Xidmətinin 4 saylı Abşeron Ərazi İdarəsində xüsusi əməliyyat keçiriblər.
Məlumata görə, əməliyyat zamanı idarənin rəisi, müavini və bir neçə əməkdaşı saxlanıb. Onları xüsusi avtomobillərə əyləşdirib aparıblar.
Adam, bu idarə rəisinin adı, familyası yoxdur ?
İdarə rəisinin müavini kimdir, nəçidir ?
Əməkdaşları kimdir ?
Baş prokurorluq isə bu gün xəbər verib ki, araşdırılandan sonra xəbər verəcəyik.
Deməli, ölkənin Baş Prokurorluğu 2 günə bu adamların kimliyini müəyyən edə bilməyib ?
Heç olmasa, saxlanılan vəzifəli şəxslərin adını, soyadını yazın də...
Yazını hazırladığımız son dəqiqələrdə məlum oldu ki,
əməliyyat səhər saatlarında keçirilib. Xüsusi əməliyyat qrupu idarənin rəis müavini Etibar Qasımovu, bir neçə mühəndisi, sektor müdirini, baş qeydiyyatçını və qəbul şöbəsinin bir əməkdaşını saxlayıblar (Etibat Qasımovun Zaqataladakı fəaliyyəti araşdırılmalıdır, bu başqa bir yazının mövzusudur). Ümumilikdə saxlanılan 10-dan çox vəzifəli şəxs xüsusi avtomobillərlə Baş Prokuror yanında Korrupsiyaya Qarşı Mübarizə Baş İdarəsinə aparılıb.
Son xəbərdən bəlli olur ki, əməliyyat zamanı Daşınmaz Əmlakın Dövlət Reyestri Xidmətinin 4 saylı Abşeron Ərazi İdarəsinin rəisi, təzə bazarı yenicə 15 milyona satmış, atasının adına saxta sənədlər düzəltmiş Fuad İbrahimov saxlanılmayıb.
Həə, indi keçək suallara...
Birincisi, ilk məlumatda idarə rəisinin ( Fuad İbrahimovun ) da həbs olunduğu yazılmışdı...
Necə oldu 2 gündən sonra bəlli oldu ki, Fuad İbrahimov həbs olunmayıb...
İkincisi, qeydiyyatçı, mühəndis....yox bir xadimə....kimdir ki, korrupsiya və rüşvətxorluqla məşğul olsun..?
Hətta idarə rəisinin müavini Etibar Qasımov istəsə belə korrupsiya ilə məşğul ola bilməz. Çünki bütün saxta sənədlərə vurulan möhür-peçat idarə rəisi Fuad İbrahimovda olur, cənablar...
Başa düşdünüzmü..?
Bəli, neçə illərdir icra başçısı İradə Gülməmmədovanın başçılığı və Fuad İbrahimovun vasitəçiliyi ilə Abşeronda torpaqlar qanunsuz olaraq sənədləşdirilərək satılıb.
Bələdiyyəyə aid olmayan, təyinatı qeyri-müəyyən olan torpaq sahələri və digər ərazilər Abşeron RİH-nin və Abşeron “BTİ”-nin saxta sənədləri ilə özəlləşdirilib. Hətta özgəsinin qanuni torpağını da bu cinayətkar dəstə saxta sənədlə başqasına satıb.
Bir sözlə, İradə Gülməmmədovanın yaxın komanda üzvləri yavaş-yavaş Kürdəxanıya gedir.
Bəs, gəlin görək, Fuad İbrahimov kimdir ?
Fuad İbrahimov məşhur “Təzə Bazar”ın sahibi Məmmədağa İbrahimovun oğludur.
Məlumdur ki, “Mərkəzi Bazar” MMC-nin sahibi olan Məmmədağa İbrahimov bazarı 15 milyona məşhur azərbaycanlı milyarder Qod Nisanova satıb.
Sözün qısası, ata-bala satmaqla məşğuldur.
Amma oğul Fuad İbrahimovun Abşeronda qazandığı milyonlar atası Məmmədağanın aldığı 15 milyondan dəfələlə çoxdur.
Deməli, Fuad İbrahimovun yolu mütləq Kürdəxanıdan keçməlidir.
Növbəti sayımızda Fuad İbrahimovun Şirvanda və Abşeronda törətdiyi özbaşınalıqlar haqqında yazı dərc edəcəyik. Bizi izləyin. /Gundelik-baku.com/
