Aktyor Tolqa Karelin keçmiş həyat yoldaşı azərbaycanlı model Günay Musayeva mübahisə  əsnasında sevgilsi Taha Tatlıcını bıçaqlayıb. 
Bakisesi.com xəbər verir ki, məşhur model Günay Musayeva ötən gün qatıldığı canlı yayımda keçmiş əri Tolqa Karelin oğluyla maraqlanmadığını və təzminat ödəmədiyini iddia etmişdi. Bu xəbərlərlə gündəmə gələn Museyava indi də bıçaqlanma hadisəsi ilə mətbuatın gündəmindədir. 
Taha Tatlıcı bu barədə polisə məlumat verib və Günayla bağlı məhkəməyə ərizə verib. Hadisəylə bağlı istintaq başladılıb. 
İfadəsi alınan Günay Musayeva bildirib ki, bıçağa özünü və oğlunu müdafiə etmək üçün əl atıb: 
"Taha çox əsəbləşmişdi. Oğlumu döydü. Oğlumu və özümü qorumaq üçün bıçağa əl ataraq qarşısına keçdim. Üzərimə hücum çəkərkən bıçaq ona batdı. Mən özümüzü müdafiə edirdim". 
Məşhur manken barəsində "Silahla yaralama"ya görə cinayət işi açılıb. 2,5 ilə qədər həbsi tələb edilən manken məhkəmə qarşısına çıxarılacaq. 
Bıçaqlanan Taha Tatlıcı isə Günay Musayevanı və övladını döydüyü barədə açıqlama verməyib. 
Bununla bağlı "2-ci Sayfa"  verilişinə danışarkən G.Musayeva, "Çox canım yanır, danışmaq istəmirəm" deyib.