Fransa prezidenti Emmanuel Makron Avropa Parlamentinə seçkilərdə səs verib.
Bu barədə "Report" BFM-ə istinadən xəbər verir.
Bildirilir ki, dövlət başçısı və xanımı Le-Tukedəki seçki məntəqəsinə gələrək burada səs veriblər. Şəhərin mərkəzi hissəsində Makron ailəsinin malikanəsi yerləşir. Malikanəni Fransanın birinci xanımı Bricitə valideynləri hədiyyə edib.
Ev seçki məntəqəsinin fəaliyyət göstərdiyi meriyaya yaxındır. Lakin təhlükəsizliyə görə, Fransa lideri seçkilərə avtomobillə gəlib.
Dövlət başçısı sakinlərlə görüşüb. Qeyd edilir ki, bu, xeyli sayda mühafizəçinin müşayiəti ilə baş tutub.скачать dle 12.1