Azərbaycan Respublikasında həyata keçirilən davamlı iqtisadi inkişaf siyasətinin mühüm şərtlərindən biri kimi şəffaflığın və maliyyə intizamının təmin edilməsi, həyata keçirilən iqtisadi islahatların korrupsiyaya qarşı mübarizə tədbirləri ilə dəstəklənməsi prokurorluq orqanları tərəfindən qanunla ona həvalə edilmiş səlahiyyətləri çərçivəsində daim diqqət mərkəzində saxlanılmaqla aidiyyəti dövlət qurumları ilə əlaqəli şəkildə korrupsiya hüquqpozmaları törətmiş vəzifəli şəxslərə qarşı mübarizədə ardıcıl tədbirlərin icrası davam etdirilir.
 
Xatırlayırsınızsa br müddət əvvəl həyata keçirilən kompleks əməliyyat-istintaq tədbirləri ilə Abşeron rayon icra hakimiyyəti Memarlıq və tikinti şöbəsinin müdiri (baş memar) Akif Əliyev həbs edilmişdi.
Daha sonra Abşeronda daha bir neçə vəzifəli şəxs saxlanıldı, barələrində cinayət işləri başlanıldı.
Qafqaz.tv-yə verilən məlumatlara görə bu yaxınlarda Abşeron Rayon Mənzil Kommunal Təsərrüfat Birliyinin sədri Qərəman Rüstəmov da güc strukturlarının diqqətini cəlb edib. Hətta onun qısa müddətdə saxlanılaraq sonra azad buraxılması deyilir.
Hazırda bu şəxsin korrupsiya əməllərinə aid yoxlamalar başlayıb. Bu arada Abşeron İH başçısının müavini Fuad Qəhrəmanovun bir müddət gözə dəyməməsi şübhə yaratmışdı.
Qeyd edilir ki, başçı İradə Gülməmmədovanın əhatəsindəki həlqə daralır. Həbslərin rayon rəhbərliyindən yan keçməyəcəyi artıq şübhə doğurmur.