Məşhur kinorejissor, "Oskar" mükafatçısı Valter Mirisch 101 yaşında vəfat edib.
Xarici mətbuat xəbər verir ki, bu barədə “Oskar” mükafatını təqdim edən Kino Sənəti və Elmləri Akademiyasının saytında məlumat verilib.
O, fevralın 24-də dünyasını dəyişib.
Qeyd edək ki, Valter Mirisch 1921-ci il noyabrın 8-də Nyu-Yorkda anadan olub. 1957-ci ildə prodüser qardaşları ilə birlikdə "The Mirish Company" film şirkətini qurub. "Ən yaxşı film" nominasiyasında Akademiya mükafatını qazanan üç filmə rejissorluq edib.