Hərbi Hava Qüvvələrinin mərhum pilotu, polkovnik-leytenant Rəşad Atakişiyevin qırx mərasimi keçirilir.
Unikal.org Azvision.az-a istinadən xəbər verir ki, pilotun yaxınları, ailə üzvləri, xidmət yoldaşları II Fəxri Xiyabanda onun məzarını ziyarət ediblər. Mərhumun azyaşlı oğlu atasının məzarı üstündə göz yaşlarına hakim ola bilməyib.
Xatırladaq ki, iyulun 24-də Hərbi Hava Qüvvələrinin MiQ-29 təyyarəsi qəzaya uğrayıb. Təyyarə Xəzər dənizinə düşüb. Hadisə nəticəsində təyyarənin pilotu, polkovnik-leytenant Rəşad Atakişiyev həlak olub. 34 yaşında dünyasını dəyişən hərbi pilotun nəşi avqustun 21-də torpağa tapşırılıb.