“Müharibənin nəticələri məlumdur. Azərbaycan uzun illər beynəlxalq hüquq baxımından ona məxsus torpaqlarını işğal altında saxlayan işğalçı ölkə üzərində qələbə qazandı”.

Bu barədə Azərbaycan Prezidenti İlham Əliyev MDB dövlət başçılarının onlayn sammitində çıxışı zamanı bildirib.

“Müharibə nəticəsində, bizdə olan məlumata görə, Ermənistan silahlı qüvvələrinin potensialının 80%-i məhv edilib. Azərbaycan üçün bu, Vətən, azadlıq müharibəsi, Ermənistan üçün isə işğalçılıq, qəsbkarlıq müharibəsidir”, - deyə Prezident qeyd edib.

Daha sonra dövlət başçısı ermənilərin 90-cı illərin əvvəllərində Azərbaycana qarşı təcavüzündən, torpaqları işğal etməsindən, Azərbaycan əhalisinə qarşı etnik təmizləmələrdən və məcburi köçkünlərdən bəhs edib.