Vətən müharibəsində qəhrəmanlıq nümayiş etdirən hərbçilərimizdən biri də gizir Elvin Ömərovdur.
 Kürdəmirin Qarasu kəndindən olan Elvin Ömərov yaralı halda 2 gün döyüşüb.
O, bir neçə il əvvəl Təlim Tədris Mərkəzində hərbi təhsil alıb və gizir rütbəsi ilə xidmətə yollanıb. Hərbi xidmətinə Cəlilabadda başlayan Elvin sonra öz istəyi ilə cəbhə bölgəsinə gedib. Müharibə başlayan gündən isə Füzuli, Cəbrayıl və Hadrut istiqamətində döyüşlərə qatılıb. Elvin sonuncu dəfə oktyabrın 7-də anası ilə danışıb. Üç gün sonra isə şəhidlik zirvəsinə yüksəlib.
Qeyd edək ki, gizirimiz ölümündən sonra "Vətən Uğrunda" medalı ilə təltif edilib.


скачать dle 12.1