Bir müddət əvvəl Bakı Lift İdarəsinin müdiri Qüdrət Şükürov qızının 400 minlik toyu, kürəkənə bağışladığı bahalı Porshe ilə gündəmə gələndə cəmiyyət şoka düşdü. Görəsən, adi Lift idarəsinin müdirində milyonlar haradandır ? Axı, bu adam nazir deyil, komitə sədri deyil, biznesmen deyil. 
Dövlətdən orta maaş alan xırda məmurdur. Bəs bu sərvəti necə qazanıb ? İzi itirmək üçün Rövnəq Abdullayev mediaya tezislər buraxdı. Guya Qüdrət Şükürov keçmiş MTN generalı Akif Çovdarovun şərikidir. Çox gülməli və əsassız söhbətdir. Əslində Lift İdarəsinin müdiri Qüdrət Şükürov SOCAR-ın prezidenti Rövnəq Abdullayevin ən yaxın dostu və şərikidir. Bəli, məhz şəriki. Deməli, Prezident İlham Əliyevin şəxsi təşəbbüsü ilə rayonlarda tikilən müasir Diaqnostika Mərkəzlərinə SOCAR-ın maliyyə dəstəyi hamıya bəllidir. Həmin Diaqnostika Mərkəzlərinə quraşdırılan liftlərin qiymətində Rövnəq Abdullayevlə Qüdrət Şükürov arasında əməlli-başlı alver gedib. Ucuz alıb baha hesablayıblar və ortada milyonlar qazanıblar. Hətta qaçqın və məcburi köçkünlərin məskunlaşdığı yarımçıq binalarda quraşdırılmış amma istifadə olunmamış köhnə liftləri “kraska”layıb təzə adı ilə Diaqnostika Mərkəzlərində quraşdırıb kifayət qədər pul qazanıblar. Konkret olaraq Lənkəranda bu saxtakarlığın üstü açılıb. Belə ki Prezidentin Lənkərana səfəri zamanı nasaz lift işə düşməyib. Bəli, Rövnəq Abdullayev hətta liftdən belə milyonlar qazanır. Hətta Bakıda fəaliyyət göstərən türk, əcnəbi lift şirkətlərini sıradan çıxartmaq üçün Rövnəq Abdullayev hər cürə oyuna gedir. Rayonda olarkən, bu qardaşlar Bakıya zəng edib nə sifariş edirlər ? Və digər macəralar barədə növbəti yazıda...
''GÜNDƏLİK BAKI'' qəzetinin Araşdırma Qrupu(gundelik-baku.com)скачать dle 12.1