"Hazırda Azərbaycandakı mövcud vəziyyət, yəni qrip epidemiyasının yayılması fəsil dəyişkənliyi ilə əlaqədardır".
Bunu Qaynarinfo-ya açıqlamasında həkim-infeksionist Natiq Əliyev deyib. O, bildirib ki, qış ayları, xüsusən də oktyabrdan sonra kəskin respirator infeksiyaların aktivləşdiyi bir dönəmdir:
 
"Ona görə bunu epidemiya şəkilində qəbul eləmək doğru olmaz. Bu mütəmadi, mövsümə bağlı olaraq dəyişən bir haldır. Hazırda bu infeksiyanın sönməsini görürük. Havalar istiləşməyə doğru getdikcə, respirator qrip infeksiyalarının azalmasını müşahidə edəcəyik”.
İndiki dövr bizdə qorxu və panika yaradır? 
İnfeksionist bildirib ki, səbəb olaraq dünyada pandemiyanın davam eləməsi, COVID-in yeni növü "Omikron"un yayılması və yanaşı olaraq adi qrip infeksiyası daha çox yayıldığı üçün insanlar arasında caşqınlıq yaradır:
"Şikayətlər və əlamətlər ilk baxışda hamısında bənzər olduğu üçün insanlar tərəddüd edirlər. Bu da insanlara psixoloji olaraq qorxu, həyacan gətirir. Amma həyacan üçün heç bir əsas yoxdur. Bu halda insanlar qeydiyyatda olduğu poliklinikaya və sahə həkimlərinə müraciət edib, müayinə olunsunlar”.скачать dle 12.1