Erməni əsirliyində saxlanılan Dilqəm Əsgərovun vəkili Dövlət Təhlükəsizlik Xidmətinə Melorasiya və Su Təsərrüfatı Acıq Səhimdar Cəmiyyətindən şikayət ərizəsi verib.

Dominant.az-a bu barədə Dilqəm Əsgərovun oğlu Kürdoğlu Əsgərov bildirib.

Onun sözlərinə görə, ailəsi Melorasiya və Su Təsərrüfatının özbaşınalığından narazıdır:

"Atam 7 ilə yaxındır əsir saxlanılan Şuşa qalasından Dövlət Təhlükəsizlik Xidmətinə müraciət edib. Bildiyimiz ki, dünən Melorasiya və Su Təsərrüfatı ASC-nin rəsmiləri açıqlama veriblər ki, Dilqəm Əsgərova məxsus Şəmkir və Daşkəsən rayonları ərazilərində torpaq sahələri, torpaq sahələrində ferma və digər olacaqları olmayıb və bu ağ yalandır.
Bildirmək istəyirəm ki, sonuncu dəfə Kəlbəcər rayonuna ziyarətə getməzdən bir gün qabaq, yəni 2014-cü ilin may ayında bizə 100 illik etibarnamə verib. Biz də o etibarnamədən istifadə edərək atamın adından Dövlət Təhlükəsizlik Xidmətinə müraciət edirik ki, bu məsələ ədalətli şəkildə araşdırılsın", - deyə K.Əsgərov qeyd edib.

O, həmçinin əlavə edib ki, əgər melorasiya işçilərinin dediyi kimi, qaldırdığımız məsələ ağ yalandırsa, icarə müqavilələri necə verilib: "Bilmək istəyirik ki, icarə müqavilələrinə imza atanlar, rəsmi möhür vuranlar kimlərdir? Xahiş edirik ki,məsələ tam, ədalətli şəkildə araşdırılsın və düzgün şəkildə həllini tapsın" - deyə K.Əsgərov sözlərinə əlavə edib.скачать dle 12.1