Bakı şəhəri Akademik Zərifə Əliyeva küçəsi ilə Məmməd Əmin Rəsulzadə küçələrinin kəsişməsində yerləşən tarixi binanın fasadının bir hissəsinin qara və qızılı rəngə boyanması haqqında sosial şəbəkədə məlumat yayılıb.
Bakı Şəhər İcra Hakimiyyətindən bununla bağlı bildirilib ki, paytaxtın müvafiq xidmətlərinin və Baş Polis İdarəsinin əməkdaşları tərəfindən dərhal həmin ərazinin əvvəlki vəziyyətə gətirilməsi ilə əlaqədar təxirəsalınmaz tədbirlər həyata keçirilib, binadakı obyektin icarədarı və sahibkar cəzalandırılıb. 
Bakı Şəhər İcra Hakimiyyəti belə neqativ hallara yol verənlərə qarşı reaksiya verdikləri üçün vətəndaşlara minnətdarlıq edib.