İran Dağlıq Qarabağ böhranının həllinə kömək edəcək hər bir formatı müsbət qarşılayır.
Bunu İranın Xarici İşlər Nazirliyinin mətbuat katibi Səid Xətibzadə mətbuat konfransında deyib.
S.Xətibzadənin sözlərinə görə, təxminən 30 ildir davam edən münaqişənin həll edilməsi İran üçün önəmlidir.
O əlavə edib ki, bu münaqişənin bir həll planı ilə 2-3 həftə ərzində həll olunacağını gözləmək olmaz:
"Əlbəttə, bununla əlaqədar əvəllər irəli sürülən planlar böhranın həllinə kömək etməyib".